03.06.2010  dr chnulleri maint

Saletti zämme

Won y ändlig emool wiider dehai gsi bi, Hösch (joo y bin e baar Jöörli mit emene soone Suppehuen vo dr Wääbergass uff e Süüdseeinsle ange go welle lääbe), bin y faadegraad in d'Bachgass (me sait au Glettysegass, ooder fir ie ääne am Jordan, aifach Ryygass) und haa welle im Schwalbenäscht ain go yneschütte.
Jä hösch, doo hets mr aaber graad d Schuebändel ab de Schlappe zooge, won y in dä Schuppen yynegange bi. Nyt mee vom Schwalbenäscht, wo no dr Migger und dr Schorsch aadroffe hesch und e Wälle hesch kenne risse!
Nuur no gstopfti Brieder, Daigler, Aagääber und andere Stenz, wo dinne hogge und amene Wyy ooder amene Cüpli ummesuuge.
Nyt fir mi, ab in Alte Pneu in d Gryffegass! Wie friener gon e Kaffi Chrütter yneschletzen und e Parisienne ooni Filter, e Rossbolle, go aabesuuge! Jä doo han y aaber e Schnuure gmacht wien e verumpflete Haimetschyn. Nyt vo Kaffi Chrütter und graad gar nyt vo welle Aine schloote! Jetz hänn doch die Aichle im roote Bau bim Määrtblatz e Flemmverbot uusegää,
ass de se kenntsch uff d Dramschiine leege und ins Depoo bloose! Däänen isch doch dr Chääs waich woorde, Hösch!
Jänu, drnoo ab in Schwaarze Bääre und uff em Wääg non e Rossbollen ins Gsicht stopfe und paffe, waas hesch, waas gisch, Hösch.
Won y yynekumm, wäär hoggt deerte und schlawyyneret um e Chatz umme? Dr Baschi vom Glaibasel! „Was isch Hösch, Baschi? Wie rollt d Wösch? Liggsch vorne? Gisch wiider aa wien e Wald vo Affe?“ han y zue mym alte Frind gsait. Äär het mi nur aagluegt und gmaint; Mach mi nit staubig und läng mr doch e Schnägg yybere, y muess my Stange zaale, y bi graad im Gaggoo!“ Y haa mi alte Kamerad nit kenne im Stich loo und han em dä Schnägg yyberegrollt und gmaint, „Hösch Baschi! Loo daas Stügg linggs ligge und kumm, mr geen in näggschte Saftlaade gon is d Lampe fülle und
verzell mr, waas alles esoo passiert isch“
Dr Baschi het ygschnappt, het die Grytte linggs ligge loo und mr sinn drnoo in näggschte Schuppen yyne gon e baar Glöschli go inhaliere und dr Baschi het mr e huffe verzellt. Är het mr au no d Buechstaabesammlig vo de Schiffer, dr Knote, in d Chralle druggt und gsait; „doo hesch ebbis zem lääse und bschtell non e Runde bim Bierschlitte, i muess s Aicherbäärgers go aalütte“.
Jä hösch, won y d Voorstellige vo de neyje Zumpftbrieder Pinese, Riedel und Schüpfer glääse ha hets mr fascht d Zeecheneegel hinderezooge! Do het doch aine vo Moschtindie, en Yykaufte, ain vom Langfingerkantoon, welle
ufs hoochi Sail styyge und welle Baseldytsch schriibe! Jä nai, hösch, Digge, mach mi nit mied, lo d Pedall drvoo, schryyb s näggscht mool lieber in Schwoobedytsch no verstoot au dr Letscht ebbis! Hesch s gschnallt, hösch!
Wo dr Baschi vo dr Schiffländi zrugg koo isch, han y gsait: „Hösch Baschi mi liebe Frind, y jätt e Kaabel in Ääter und saag em Redaggder vo dämm Chääsblatt, ass es Zyt isch, dääne Zumpftbrieder mitere Kolumne wiider emool d Levite z verlääse und dr Spiegel vor d Fasaade z heebe, hösch“!
Also Digge, de gseesch was uusekunnt, wenn den e Saich verzellsch! Also gib Gaas, legg di warm aa und lueg, ass im näggschte Knote nit undere Draggdoor kunsch!
So long, hösch! Y schnapp ab und schwing mi uff mi Pflueg! Bis zem näggschte Mool!
Dr Chnulleri vo dr Bachgass.

07.05.2010  |Eugen A. Meier Määli

D'Reed vo unserem Gascht Hansruedi Herrmann

HOCHGEACHTETI HEERE MAISCHTER UND ALTMAISCHTER,
GEACHTETI HEERE STATTHALTER UND ALTSTATTHALTER,
GSCHETZTI VORGSETZTI UND ALTVORGSETZTI UND
VERDIENTI ZUNFTBRIEDER VONERE EEREWÄÄRTE ZUNFT ZU SCHIFFLÜTE,
WÄÄRTI MITGESCHT.
UND WILLS HYT FIR UNS AU SO SYY MUESS:
AU EM EUGEN A. NONE LIEBE GRUESS!
MERSI, DASS Y IN DÄM FEINE SÄÄLI
DERBYY BI AM EUGEN - EEREMÄÄLI.

 Weiterlesen

31.03.2010  |  Die Vorgesetzten die Chargen sind verteilt!

Franz Haeri               Meister              Gewählt bis  2013
Stephan Schindler     Statthalter         Gewählt bis  2016
Theo Meier              Seckelmeister     Gewählt bis  2016
Willi Bernhard           Schreiber 1         Gewählt bis  2013
Rolf Iseli                  Schreiber 2         Gewählt bis  2013
Peter Thommen       Irtenmeister       Gewählt bis  2016
Jacques Thurneysen Zeugherr           Gewählt bis  2013
Markus Unterfinger   Bannerherr         Gewählt bis  2016
Roger Reinle            Fürsorger           Gewählt bis  2013

22.03.2010  |  Die neuen Vorgesetzten

Gewählt wurde Stephan Schindler, Willi Bernhard und Roger Reinle!
Die Chargen werden am konstituierenden Vorgesetztenbott am 31. 3. 2010 festgelegt.

18.03.2010  |  Der neue Schiffleuten Meister

Die Schiffleutenzunft hat am Donnerstag Abend im Löwenzorn Ihren Wahlbot abgehalten. Neuer Meister der Schiffleuten ist Franz Haerri !

Fotos zum Wahlbot findet Ihr in der Fotogalerie

17.03.2010  |  Aktuallisierung der Homepage

Liebi Zunftbrüder,

Jacques und Noa Thurneysen bilden mit Boris Hochreutener das neue Webteam.
Neu wurde ein Archiv erstellt, in welchem Ihr unsere Dokumente wie zum Beispiel den Knoten oder das Vorgesetzten-Wappenbuch finden können.
Zum Schluss sind nun auch endlich noch die Fotos vom Zunftessen 2009 online sowie die Zunftstammdaten .

15.03.2010  |  Einladung zur Lai da Tuma Wanderung 2010

Liebi Zunftbrüder,

Anbei der Flyer der Fischerenzunft zur Lai da Tuma Wanderung 2010.
Flyer